काठमाडौं–राजेश पायल राई एकल कन्सर्ट लिएर वल्र्ड टुरमा निस्कने भएका छन् । इण्डिया, ब्रिटेन र अमेरिकाका गायक–गायिकाहरु यसरी वल्र्ड टुरमा निस्केको खबर सुनिरहेका नेपालीहरुका लागि राजेश पायलको एकल कन्सर्ट वल्र्ड टुरको खबरले खुशि तुल्याएको छ । सयौं फिल्महरुमा प्लेब्याक तथा एल्बमहरुमा स्वर भरेका गायक राईले यो टुर फेब्रुअरी ६ तारीखमा बहराइनबाट आरम्भ गर्दैछन् । ‘राजेश पायल राईज वल्र्ड टुर–लाइभ इन कन्सर्ट २०१५’ त्यसपछि १४ फेब्रुअरीमा क्यानाडा क्युबिक, १७ अप्रिलमा कतार, जुनमा इङ्ग्ल्याण्ड, जुलाईमा वेल्स र स्कटल्याण्डमा हुनेछ । राईका अनुसार त्यसपछि २०१५ भरी अरु मूलुकहरुमा पनि । ‘राजेश पायल राईज वल्र्ड टुर–लाइभ इन कन्सर्ट २०१५’ गर्ने योजना छ । यस अनुसार २०१५ भरी राजेश पायल वल्र्ड टुरमै व्यस्त रहने छन् ।